استقبال از ماه محرم
استقبال از ماه محرم
شاعر : کربلایی قادر خانبابائی _ شهرستان ملکان -1397
گینه دیلدن دیله دوشدی غم عظمای حسین
گینه باشلاندی غم و محنت کبرای حسین
گلیری خیل ملائک آقامین ماتمینه
ماخَلق اولدو پناهنده حسین پرچمینه
1
گینه عشاق حسین گَلدی عزاخانه لره
باخاجاق حضرت عباس بو دیوانه لره
گینه سو صحبتی عالمده اورک یاندیراجاق
کربلاده سو یولون قوم شرر باغله یاجاق
2
گینه باشلاندی ابوالفضل آقامین غملی سوزو
دییه سن خالق رحماندا عزا دوتموش اوزو
هامی بیر جوت قولونان بیردَنه گوزدن دانیشیر
آلتی آیلیق بالادان سوزیلی سوزدان دانیشیر
3
بیری شهزاده علی اکبره ای وای دئییری
بیری شش ماهه علی اصغره لای لای دئییری
بیری سوزیله سالیر یاده یتیم حسنی
سیخیری بزم عزا سینه ده قلب محنی
4
بیری گوز یاشی توکور قولسوز علمداره گوره
بیری سجاد آغامیز سید بیماره گوره
دآها آز قالدی یانا غم اودونا قلب رباب
دختر حضرت زهرا اولونا سینه کباب
5
کربلاده سو یولو عترت اوچون باغلاناجاق
آلتی آیلیغ قوزو قوربانی سوسوز اوخلاناجاق
دوشه جک آهن عمودیله یئره ، قولسوز آقام
پارچالانمیش باشین آغوشه آلار ، مظلوم امام
6
دولاجاق قانه سو مَشکی قره یئللر اسه جک
او بیابان غمه احمد و حیدر گله جک
آلتی آیلیغ بالانی اوخلویاجاق لشگر کین
ولی سیراب اولاجاق بو قانیلان ریشه دین
7
سولاجاق باغ نبوت یئره گوللر دوشه جک
یئره گوللر هامیسی یکسره پرپر دوشه جک
بیر امامین قورو یرده کسه جکلر باشینی
توکه جَک شیعه بو ماتمده یئره گوز یاسین
قالاجاق ایستی قوم اوستونده او زهرا بالاسی
یئرده عوریان یارالی حضرت طاها بالاسی
قطعه قطعه اولاجاق یئرده پیمبر بالاسی
عشقی معنا ائده جک حیدر صفدر بالاسی
9
یاناجاق خیمه عترت قاچاجاقدیر بالالار
همان او خیمه ده عطشان یاناجاقدیر بالالار
الغرض زینب نالان گئده جک شامه اسیر
قول قولا باغلاناجاق ظلمیله اطفال صغیر
10
آغلا ای شیعه بو ماتمده چوخالت گوزیاشینی
کَسدیلر ظلمیله بیر ماه منور باشینی
وار نه قدَر عالم اِمکان آقاما آغلاگینان
سینه وی حضرت زهرایه گوره داغلاگینان
" شعر چاپ نشده از شاعر اهلبیت (ع) کربلایی قادر خانبابایی – شهرستان ملکان "
