شعر چاپ نشده (کپی شعر بدون اسم شاعر حلال نیست)

امام حسین (ع)
با شعری از کربلایی قادر خانبابایی  
(ملکان)
🌼🌼🌼🌼🌼🌼🌼🌼🌼🌼🌼


ای عرش لم یزلده آدون پر بها حسین
او پربها آدیوا عرشیان فدا حسین
گئدنده قنداقون عرشه صفا ویریلدی گویه
یقین یاراتمیوبدی خدا سنه همتا حسین

دوتولسا قلبیم اگر دوشر آدون یادیما
بو آددا واردی کرم بو آددا صفا حسین

اولیدی روح و روانیم فدا او تپراقا کی
تاپیدی عز و شرف اولوب کربلا حسین

او کربلا کی اورک لاله مثلی قان اولوری
او یئرده یوز ووریلیب چوخلی ماجرا حسین

او یئرده بیر غریبین سوسوز کسیلدی باشی
ائدوبدی لشکر کافر نه قدر جفا حسین

قالوبدی نعشی اونون ایستی قوملاردا
مگر امامه اولار بو ستم روا حسین

گلوب پیمبر و حیدر توکوبدی گوزیاشینی
او چولده اولدو قیامت قورولدی عزا حسین

تمام اهل عیالی اولوندی از دم اسیر
خیامی ائتدیله غارت او اهل ریا حسین

او یئرده بیر آقانی سالوبلار قوللارینی
گلوبدی فاطمه غملی دوتوبدی عزا حسین

سینوبدی باش بدنی قطعه قطعه دوعراندی
واریدی لشگر بی شرمیده جفا حسین

گلیبدی قارداشینون گوردی حالین حسین
اولوب عالم او لحظه ده ماتم سرا حسین

بیر آیری عالم اولوب یازانموری قلمیم
یوخویدی هئچ سنه بیر اقربا حسین

گلنده صاحب دوران گوزل بیان ائده جاق
نه نوع ظلم ائدوب اول اشکیا حسین

بیر آلتی آیلیق اوشاق اولوبدی اوخ نشانی
ندندی ائتمدی اوخ بیر آزجا خطا حسین

اوزولوبدی باش بدنیندن قانی سپیلدی گویه
او قانه قیمت ائتدی اوزون فدا حسین

او چولده بیر اوغلون قطعه لندی بدنی
او صحنه دنده اولوبدی رضا حسین

یئغوب عبایه حسین او جسم اکبرینی
دوتوب خیامه سمتینی آل عبا حسین

نه دیزده تاب و توان نه دیلده طاقتی وار
نه ظلم چکمیش عالم فدا حسین

دییردی هر نه واریمدی سنین کیدی ربیم
بو من بو سن بودا نینوا حسین

گورنده قاسمی یئرده نه حاله قالدین سن
مقددر اولدی سنه قضا و بلا حسین

گئدنده کوفیه باشین نه جور چکدی باجون
اولوندی باشیوه مسکن جدا حسین

گورنده نیزده باشین رقیه اسدی لبی
دییردی عمه بیزیم درده یوخ دوا حسین
ویروبلا باشیوه داش سینوبدی آننون اقا
یاریبدی آننینی زینب ائده اقتدا حسین

طلاوت ایلدی قرآن یارالی حلقین آقا
ائدوبله جایزه مین داش عطا حسین

🌼🌼🌼🌼🌼🌼🌼🌼🌼
 
@magmaeheydareyonmaraghe
افتخار کانال مجمع حیدریون
 مراغه