نه قدر سعی ائدسن دور زمان گئتملیدی
وارلی وارسیز نه قدرسن یئغاسان گئتملیدی
الیوه بالتا الیب وورما گولون ریشه سینی
قالاجاق ریشه ولی بالتا ووران گئتملیدی
@AzSulduz
💕❣🌷❣💕
گر آغلاماسا قاره بولوط غنچا گول آچماز
گر گولمسه گول درد و غمه چاره تاپولماز
گلشنده گولون قیمتی گولدور گوله بولسه
نامرد الی سیندیرماسا بو شاخه نی سولماز
مردین آیاغینا تیکان باتینجا
نامردین گوزینه باتا یاخشی دی !
اولاد مینتینه قالسا گر
آتا توپراقلار آلتیندار یاتا یاخشی دی !
هئچ بویوک کیچیگه سر سوزون آتماز
وطن بیلن اینسان وطن نن قاشماز
سوز دوشونن بشر قاینایب داشماز
اینسان دور مراما چاتا یاخشی دی !
حقیقتی بیلن اوزونو اوتمز
ائللرین اینانان اوزونو سومز
اشیلییپ چالیشان دیزینه دویمز
غیرتلی باشینی قاتا یاخشی دی !
امیر همیشه ائلیندن دولان
سن نن یاخشیلیق دیر دونیادا قالان
آلاهی تانیان دانیشماز یالان
یالانچی آزار تو یاخشی دی !
@bayatilar
«منیم آرزیم»
«پالاز اولام یوخسول ائوه سالینام
قیصاص اولام ظالیم¬لردن آلینام
بیر¬ساز اولام مجلیسلرده چالینام
اوندا شیرین اولار بو حیات منه
باهار اولام قیش قهری چکه نه
قووّت اولام خلقه روزی اکه نه
مسلک اولام سینیق کؤنول تیکه نه
اوندا شیرین اولار بو حیات منه
موژده اولام ایستکلیسی ایته نه
چیشمه اولام سوسوز یئرده بیته نه
چیراغ اولام ایشیق سالام وطنه
اوندا شیرین اولار بو حیات منه
بیر اود اولام جهالتی یاندیرام
قانمایانی دوشوندورم قاندیرام
یول هانسیدیر،ارکان ندیر،آندیرام
اوندا شیرین اولار بو حیات منه
گونش اولام هرنه بوز وار،اریدم
بولبول اولام بایقوشلاری کیریدم
ریاکارین عؤمور-گونون چورودم
اوندا شیرین اولار بو حیات منه
جاهاز اولام یئتیم قیزا گلینه
عصا اولام قوجالارین الینه
داراق اولام باجیلارین تئلینه
اوندا شیرین اولار بو حیات منه
فرهادکیمی چاپام اوجا داغلاری
باهار اولام گوللندیرم باغلاری
بیرلشدیرم قارالاری ،آغلاری
اوندا شیرین اولار بو حیات منه