متن شعر زیبا از آقای علیرضا انتظاری ملکی
شاعر خوش ذوق هم شهری بنام
>> ملکان شهرینین اوزوم باغلاری <<
سلام اولسون شهریمیزین ایلینه
داغ داشینا چولرینه یِرینه
یایدا اَسن سرین سرین یِللری
خوش گونلریم گلوب دولاندی گیچدی
ملکانین شهرینین اوزوم باغلاری
شهریار بلواری ، گوزل یایلاری
انسانا روح ورن ایل بهارلاری
حیف بهارلاریم دولاندی گیچدی
یای گونلری اوزوم لری دَیلَر
آرادا بیر اتوروب دینجَلَلر
ناهار یریب چایلارینی ایچلر
خاطره لر گلیب دولاندی گیچدی
شهریمیزین منطره لی باغلاری
باغدا اولان چایداخ لاری چایلاری (1)
گوزل اولار پاییزلاری یازلاری
گوزل گونلر گلیب دولاندی گِیچدی
سرین سولار یایدا باغدا آخاندا
اوزوم لره آلمالارا چاتداندا
خاطره لر یرلرینه باخاندا
اوره گیمدن نَلَر دولاندی گیچدی
قالاندا مشکلاه یاد اِت خدا دان
" اُجیب الدّعوه داعِ اذا دعادن "
ایستیب آل مطلبیوی خدا دَن
ایتمه غفلت زمان دولاندی گیچدی (2)
انسان اولان دوز یول انتخاب ایدر
دوز اول سان الله اوزوه توفیق وِرَر
غافل اولان دوز یول گدمز ، کِج گِدَر
اوندا گورَر عمری دولاندی گیچدی
پاییز یِلی یواش یواش اَسنده
پاییز یِلی یواش یواش اَسنده
یاپراق لارین هردن بیرین توکنده
خزان اولان یاپراق لاری گورنده
بیله بیلمم عمریم تالاندی گیچدی
اوشاقلیق دورانی ای کاش گل آچسین
ایتیرَن گونلری دولانیب تاپسین
اورک آرزی سینا دوباره چاتسین
اوشاقلیق دورانی دولاندی گیچدی
باغدا اولان بالدان شیرین اوزوم لر
دسته چین لر، حسینی لر ، فخری لر (3)
هر یی دیخجه انسان سنی سویلیر
دیر حیف فصلین دولاندی گیچدی
"الم نشرح " سوره سینَ باخاندا
انسانلیق درسینی اوندان آلاندا
الله بیزَ بویروب دور قرآن دا
چَتین ایشین دالی آسان دی گیچدی (4)
اوزون آرزو لاری اتمهَ هیچ زمان
یتیشهَ بیلمَسن گورتارار زمان
گوز آچوب گورَر سن گِدی کاروان
زمان سرعتینن دولاندی گیچدی
شعرین شهدین شهریاردان آلمیشام
حیدرباباسی تک ترکی یازمیشام
بازنشسته ی خدمت اولمیشام
اوتوز ایلیم نه تز دولاندی گیچدی
انتظاری شعر نظمهَ سیالمیسان
شهریار دان گوزَل الیهام آلمیسان
ادب اورکَسینده نغمهَ قوشموسان
جوانلیقین نه تز دولاندی گیجدی
شکر ایلهَ کی مقصدی وَ چاتمسان
سَن الله دان نه ایستیوب آلمیسان
حق یولونی گوزل یِردَه تاپمسان
دیمهَ عمریم هَدَر دولاندی گیچدی
---------------------------------------
1- منظور از چایلار رودخانه هایی است که از آنها برای آبیاری باغ استفاده می شود
" " چارداغ ها خانه باغ ها می باشند
2- اشاره به آیه 186 سوره مبارکه بقره که خداوند می فرماید "
وَإِذَا سَأَلَکَ عِبَادِی عَنِّی فَإِنِّی قَرِیبٌ أُجِیبُ دَعْوَةَ الدَّاعِ إِذَا دَعَانِ فَلْیَسْتَجِیبُواْ لِی وَلْیُؤْمِنُواْ بِی لَعَلَّهُمْ یَرْشُدُونَ
- ترجمه مشکینی
و چون بندگان من از تو درباره من بپرسند (بگو که) من حتما (به همه) نزدیکم، دعاى دعاکننده را هنگامى که مرا بخواند اجابت مىکنم، پس دعوت مرا بپذیرند و به من ایمان آورند، شاید که راه یابند
3- دسته چین ،حسینی،فخری از گونه های انگور بوده و خیلی زیبا و خیلی خوردنی هستند.
4- اشاره است به سوره " الم نشرح ... که خداوند تعالی می فرماید :
ای پیامبر پس از هر سختی آسانی است . "
