بایاتی لار

 

باياتيلار

 

باشيمدا كلاهيم وار

سنين تك پناهيم وار

گوزگوردي ،گويول سئودي

منيم نه گناهيم وار؟

 

سؤزي سؤزدن آلان وار

زولفون اوزه سالان وار

گئديرسن تئز قاييت گل

گؤزي يولدا قالان وار

 

حيط لري گولبسر

ايچينده گوللر اسر

من سني چوخ ايستيرم

سن مني بير مختصر

 

داغلار باشي قويون دير

آي قيز بو نه اويون دير

سنه موشتولوق وئريم

آچيلان آي تويون دير

 

درديوي دئ بيله نه

ايش باشينا گلنه

سيريوي دئمه كونلوم

هر اورويوه گوله نه

 

آلما آلديم نار گلدي

كؤينك بيچديم دار گلدي

كؤلگه دوشدو ائيوانا

دئديم ياغين يار گلدي

 

اوتاي بوتاي بيزيمدي

عقيق دوزوم دوزوم دي

عميم قيزي اولماسا

داييم قيزي بيزيم دي

 

قويونو يايديم جه يه نه

سوتونو ساغديم له يه نه

بير ساچيمي دؤرد ائله ديم

بلكه قيزلار بيه نه

 

انديم گلديم جاجيخدان

يول سالديم يونجاليخدان

ديليم آغزيم يانايدي

بير سؤز دئديم آجيخدان

باياتي لار

 

باياتي لار

+ نوشته شده در جمعه هفدهم بهمن 1393 ساعت 0:1 شماره پست: 457

 

 

باغلاريندا اوزوم وار،

گئتمه دايان سوزوم وار،

گوزلريندن قورخورام،

قاشلاريندا گوزوم وار.

                                 

 

عاشيقين هاراييندان،

 ائل ياتماز هاراييندان،

 گونده بير كرپيچ دوشور،

 عومورومون ساراييندان .

 

                                                                      

 

 

 

دومانلي داغلار گويلوم،

 نيسكيللي باغلار گويلوم،

 نه آچيلار،نه گولر،

هميشه آغلار گويلوم.

                                 

 

من عاشيقام هر آيلار،

 هر اولدوزلار هر آيلار،

باشيم جلاد الينده ،

 ديليم سني هارايلار.

                                  

 

 

 

 

 من عاشيقام هر آيلار

 هر اولدوزلار ،هر آيلار

 بوردا بير گول بيتيبدي،

 سوسوزوندان هارايلار.

                                    

 

 

 

 

بایاتیلار

 

 

قرنفیل اویوم-اویوم

دریم قوینووا قویوم

یاغیش یاغار، یئر دویماز

من سندن نئجه دویوم.

معناسی بودور كی ایكی سئون عاشیق بیر-بیریندن آیریلانماز.

قیزیل گولو دررلر،

مخمل اوسته سررلر.

خوش اوقیزین حالینا،

سئودیگینه وئررلر.

معناسی بودور كی اوًز مورادینا یئته جكسن

قرنفیل قوتودادی،

خومار گوًز یوخودادی.

غم یئمه غمخار گوًیلوم،

مطلب وئرن خودادی.

معناسی بودور كی آللاهین عئینایتینه اوموت باغلامالییق.

همین بایاتی فالی آذربایجاندا دا واردیر .

اوتورموشدوم سكیده،

اورگیم سك-سكیده .

اوچ قیزیل آلما گلدی،

بیر گوموش نلبكیده.

معناسی بودور كی خوش خبر گله جك.

آناسی یانار آغلار،

حریفی قانار آغلار.

آنادئیر گوًرچین

تابوتا قونار آغلار.

معناسی بودور كی قیزین آداخلیسینا یامان حادیثه اوز وئره جك.

عزیزیم وطن یاخشی،

كوًینگی كتان یاخشی.

غوربت یئر جنت اولسا،

یئنه ده وطن یاخشی.

معناسی بودور كی سفره گئدن قاییداجاق.

جان قارداش،جانیم قارداش،

آغلادیر جانیم قارداش.

باش قویوم دیزین اوسته،

قوی چیخسین جانیم قارداش.

معناسی بودور كی اوًرگینده كی نیتی یئرینه یئتیرمك چوخ چتیندیر.

آپاردی تاتار منی،

قول ائیلر ساتار منی.

وفالی یاریم اولسا

آختاریب،تاپار منی.

معناسی بودور كی غوربته دوشه جكسن.

http://payezsorkh.blogfa.com/

دونیا دوشاب بارداغیدی

telegram.me/bayatilar ترکی بایاتیلار

دونیا دوشاب بارداغیدی
گلن بارماق سالار گئدر
كيمي بالين دادين دادار
كيمي زهرين يالار گئدر

بیری اسر طوفان کیمی
بیری اسنر اصلان کیمی
كيمي ياشار انسان كيمي
تميز آدي قالار گئدر

آي ایسرافیل ایللر اؤتر
آز چوخ عؤمور سونا یئتر
آدام وار ایلاندان بتر
گؤردویونو چالار گئدر.

@bayatilar

انسان اوغلو دونیا عیبرت ائویدی.

telegram.me/bayatilar ترکی بایاتیلار

انسان اوغلو دونیا  عیبرت ائویدی.
گوزو  آچیق  عیبرت آلان  اولسادا .
دونیایه آلدانیب اویونجاق  اولماز .
حق سوزو ائشیدیب قانان اولسادا.

دونیا بیر میداندی چالیش آد قازان .
خلقه خدمت ائیله تا کی وار زامان .
اجل بیر کیمسه یه هچ وئرمز امان .
هر یئرده گیزله نیب پنهان اولسادا .

آللاه  یارادیبدی  قولا  قول اولما .
هوس آتشینده یانیب کول اولما .
اینجیتمه کیمسه نی آجی دیل اولما.
باغلانار دیللر خوش بیان اولسادا.

کاتب اوغلو ائشید حققین نغمه سین.
بیر اینسان کی ائلین قدرین بیلمه سین.
عالیم کی علمینه زکات  وئرمه سین.
لعنته  لایقدی  لقمان   اولسادا .

 

@bayatilar

دردیم دانیشمامیش دوداق آغلادی.

 

بایاتیلار

 

دردیم دانیشمامیش دوداق آغلادی.

بولاق لا دردلشدیم بولاق آغلادی.

دوستلار گورنه دردایچینده قالمیشام

باشیم درده دوشوب آیاق آغلادی.

 

یولداشلار کوچدولر هر آیدان بیربیر

خبرسیزقالدیلار بوتایدان بیربیر

کرپیج لر دوشدولر سارایدان بیرییر

دووارلار باغیریب توفاق آغلادی

 

آتلی لار گئتدیلر توزلاری قالدی

گئدنلر گلمه دی ایزلری قالدی

هامی نین یوللاردا گوزلری قالدی

یوللادا سپیلن چاناق آغلادی

 

کورکدن ووردولار بئل یارالاندی

دوداقدان ووردولار دیل یارالاندی

ائله واخت اولدوکو ائل یارالاندی

بالتا یاسا باتیب پیچاق آغلادی

 

هارایلار چکیلیب های ائله دوشدو

تئل لر یونولدولار ساچ یئله دوشدو

بئله گون اولدوکو سوز دیله دوشدو

قلم قارا گئییب واراق آغلادی

 

سازیمی گتیرین هاوار آدوستلار

باشیما درد اولدو آوار آدوستلار

بیلمیرم قلبیمده نه وار آدوستلار

گوزلریم قورودو یاناق آغلادی

 

  شاعر:رحمت یاشار @bayatilar