سن زولفونی آچ، توك اوزونه ، شانه سی مندن

  

سن زولفونی آچ، توك اوزونه ، شانه سی مندن زنجیری نشان...

منبع

 

سن زولفونی آچ، توك اوزونه ، شانه سی مندن

زنجیری نشان وئر منه ، دیـــــوانه سی مندن

سن عاشقی یاندیرماقا ، من یانماقـــا مایــیل...

سن شمعینی گوستر، منه ، پروانه سی مندن

زولفون قدری ، عاشق اولان وار. سنه ای گل

سن سویله، اومجنونلاری ، افسانه سی مندن

سرمست گوزون، فتنه لبین ، نشئه لی باده

ایچدیرمنه ، اول بادنی – پیـــمانه سی مندن

سن ناز ایله گل كی ، صدفین، قیمتی آرتسین

كوزیاشی كیمی ،اینجیسی. دردانه سی،مندن

هردم گوتور،اوزدن. گوزه لیم، افعی لی زولفین

چك ظاهره، گنجینه نی – ویـــرانه سی مندن

واحید ، مئیی ترک ائتمک اوچون پیری موغانین

رنجیده اولوببیر نئچه مستانه سی مندن

علی آقا واحد

عشقین ائله‌سه عالمی قان، بیلمه‌یه جکسن!...

منبع

عشقین ائله‌سه عالمی قان، بیلمه‌یه جکسن!
یوز دفعه دئسه‌م، مطلبی قان، بیلمه‌یه جکسن!

باخ سینه مه، مین یاره ووروب تیرِ نگاهین
افسوس کی، ای قاشی کمان، بیلمه‌یه جکسن

آخر کی قوجالتدی منی، درِد و غم عشقین
پیر اولماسان، ای تازه جوان، بیلمه‌یه جکسن

بی‌مهرسن، عالمده، رُخِ آلینا حسرت
وئرسه‌م‌ده اگر هیجرده جان، بیلمه‌یه جکسن

مجنون کیمی، زنجیرِ سرِ زولفینه باغلی
اولسام داخی، رسوای جهان، بیلمه‌یه جکسن

توتسام، گؤزه‌لیم، دامنینی، اینجیمه منده‌ن
نیلیم کی، دئسم گئتمه، دایان، بیلمه‌یه جکسن

کویوندا گؤزوم یاشینی، یوز یول ستمیندن
ائتسه‌م یوزه، ای سرو روان، بیلمه‌یه جکسن

سرّ لبینی دیلده نهان ساخلادیم ائلدن
فاش اولمایا، بو رازِ نهان، بیلمه‌یه جکسن

شؤق دهنین «واحدی» محو ائیله‌سه هر گاه
اوندان یئنه بیر نام نشان، بیلمه‌یه جکسن


علی آقا واحد