دونیاده خلائق همه خدام حسیندور
بسم الله الرحمن الرحیم
دونیاده خلائق همه خدام حسیندور
اسلامی بوگون زِنده اِدَن نام حسیندور
دونیا یارانا بیرده اَزل گوندن هماره
گَلمَز بو حسین مثلی بیلین بیرده دوباره
الله بو حسین آدینی اَعظم یارادبدور
هر قلبده لیکن بو آدا غم یارادیبدور
پیغمبر اوزو باش آچار آغلار بو حسینه
زهرا دییر ای وای بالا اول نور دو عینه
الله قانیدی آخدی یره کرب بلاده
زهرا اوزی ماتم دوتوب او دشت نواده
یرلر نَدی، عرش اوسته بوتون قاره چکللر
مین لر پری تعظیم عزاداره گَللَر
ای شخصی که سن ادیوی هیئت ده یازیبسان
نصف شب جان ، مسجد و منبرده قالیبسان
دونیاده حسین چی اوزونی لکه لی اتمَز
زهرا بالاسین سسلیه کیم ، هر یوله گِتمَز
ایمان و عمل اولماساانسان نیه لازم
دونیاده یالان عهدیله پیمان نیه لازیم
عالمده حسین سسله مقین حورمتی واردی
دوز آغلیوب آغلاتمالارین لذتی واردی
مداح ابوالفضل گَرَک جان به کف اولسون
عزتلی مجالیسده ، مزیدِ شرف اولسون
عباس آدینی اِیله دینن فاطمه گَلسین
وهابی بی دینه بوگون واهمه گَلسین
ای آدینی مداح ایلین غم گونی ناسه
حرمت ایله اصغرکیمی بیر غنچه یاسه
لای لای دییسَن اصعری ، سال یاده ربابی
یونگول تزه آهنگیله ، کم اِتمه ثوابی
نوحه دییسَن باشلاگینان غملی نوانی
سال یادیوه عاشوریده شاه شهدانی
بیر سوز دی کی زهرا ننه میز مجلسه گَلسین
مهدی اوزی آغلار گوزنن محفله گلسین
آز داغلا امامین سینه سین گولملی هَنگه
گولدورمه حسین دوشمنینی بیر بئله ننگه
معناده علی شیعه سی؛ ذِلت سویَن اولماز
کیم ایسلَه سه مولانی ؛ خوارج دَیین اولماز
باخ گور نه حسین چی دی ، حبیب ابن مظاهر
عشقیله فدا اِتدی اوزون ، طیب و طاهر
هر چند جوار شه عطشان دا یاتیبدی
اربابه عزادار اولا حسرتده قالیبدی
پس قدریوی بیل ای کسیلن باشه عزادار
صدقیله چاغیر قلبیده یا میر علمدار
غیبت ائله مز شاعر و مداح حسینی
بهتان لارینان پارچالاماز قلب دو عینی
مداح آقا کسب ایلر ابوالفضل ادبیندن
افتاده اوپر تکیه لرین هر وجبیندن
سعی ایلیرَخ عالمده متانت بیزیم اولسون
درسِ شرف و مشق و شجاعت بیزیم اولسون
زینب اوزو سرمشقدی ، کیم اتَسه تفکر
ورمیش علما بیزلره مین دفعه تذکر
شعر از آقای قادر خانبابائی شاعر اهل بیت (ع) از شهرستان ملکان
خواندن این شعر در مجالس بدون ذکر نام شاعر شرعا اشکال دارد