گل اي گوگل اوتوراق نازلي يارِدن دانوشاق
یا مهدی
محمد علی منتظری شریف آباد
گل اي گوگل اوتوراق نازلي يارِدن دانوشاق
بيرآيري سوز دِمِياق تك نگارِدن دانوشاق
خيال ائوئنده چكاق عكسين احتراميله
گلي خجالت ائدن گلعذارِدن دانوشاق
كماندي ائكّي قارا قاشي كپرِكي اوخدي
اولان او اوخلارا حسرت شكارِدن دانوشاق
اوجا بويينه اوجا سرولر ائدرتعظيم
ايكي كلاله ي عنبر نثارِدن دانوشاق
اوزيني غنچه كِمي گيزلدوب ندورعلّت
مين ائلدن آرتوق اولان استتارِدن دانوشاق
دياق هاچان گله جاق هجراودي اولاخاموش
يانان قانا دولانان قلب زارِدن دانوشاق
ديوبدي کلّ ِ خِرَد افضل عبادتدي
عبادت اهلي اولاق انتظارِدن دانوشاق
جهانيانه ائداق افتخار وصلوندن
فراقِدن دِمياق اذن بارِدن دانوشاق
چكن هواسي مسيحاني عرشدن فرشه
وَجِيهِ درگهِ حق شهريارِدن دانوشاق
گئچن حسابي پوزاق اَشكِله نِدامتله
اطاعتونده گلن روزگارِدن دانوشاق
