بازنشسته ای از ملکان

شعراوجاغی

şeirocağı

🌺🍃🌸🍃🌺🍃🌸🍃🌺
🍃🌺🍃🌸🍃🌺
🌺🍃🌸
🍃🌺

بو دلی یاغیش دلی سی
قار قانادلی قوش دلی سی
ماوی بیر اوچوش دلی سی
بو دلی نین گوناهی نه !!!

هئچ بیلمه دی تویدو یاسدی
گؤزلریندن اؤزون آسدی
کؤلگه سینی داشا باسدی
بو دلی نین گوناهی نه !!!

آیاغیندا مین خییاوان
اؤزون یئییر یاوان - یاوان
توته گیندن فیشقیریر قان
بو دلی نین گوناهی نه !!!

 سسینده مین دیلک باتیر
سؤکوب آیاقلارین آتیر
یورغون آرغین یوکون چاتیر
بو دلی نین گوناهی نه!!!

گاه دایانیر گاهدا قاچیر
یاراسینین اوستون آچیر
اؤزون سینیر، اؤزون اوچور
بو دلی نین گوناهی نه!!!

دلی دیر باهار دلی سی
چیلپاق اینتحار دلی سی
یارالانمیش یار دلی سی
بو دلی نین گوناهی نه!!!

بوراخمایین اؤزون بوغار
یاراسیندان یاغیش یاغار
بو دلی ده گونش سیغار
بو دلی نین گوناهی نه!!!

🌸
🌺🍃🌸
🍃🌺🍃🌸🍃🌺
🌺🍃🌸🍃🌺🍃🌸🍃🌺
#دومان_بختیاری
@SheirOcagi