بازنشسته ای از ملکان

 
پاییزلانمیش هاوا...

زومار آیی، پاییزلانمیش هاوادا
تورک اؤلکه سی بوتون سَس ده، صدادا
گؤی تالایدان کؤچدو داها بیر آدا
خوشکینابین خوش گؤنلری سوووشدو
سؤز اوستادی سئوگی سینه قوووشدو

فخر ائله ییر عؤمور بویو بیر دیار
شانلی، آدلیم، ایگید شاعیر اوغلو وار
کؤنوللردن ایتمز بیر آن شهریار
قازانیبدیر اوغور هر آن دیلینه
گؤزل آدی اولوب سیمگه ائلینه

پارچالانان پارچا-پارچا ائلیمی
دیلیملنن دیلیم-دیلیم دیلیمی
بیرلشدیریب بیر ائیله دی بؤلومو
گوونملی گونون بوگون بیری دیر
شهریاریم اؤلمه ییب دیر، دیری دیر

چن بورودو ساوالانین دؤشونو
بوگون "پاشا" آرازین گؤز یاشینی
آغارتدی تئز سهندیمین باشینی
"دردلریمیز قوی دیکلسین داغ اولسون"*
آذربایجان بوگون باشین ساغ اولسون


*تضمین: اوستاد شهریاردان بیر میصراع.
#پاشا_موغانلی  
@SheirOcagi