بازنشسته ای از ملکان

چوخ داش آتیلار ، هر آغاجین میوه سی اولسا

دیوانه ده هئچ سروه ، گولوم داشینی آتماز

نامردلره خرج ایله مه گل شعرینی شاعیر

البته كی زرگر چوله داشقاشینی آتماز

آرواد نه قدر اولسا مسلط ده ، یقین بیل

قان قیدینی یئرتیب ، كیشی قارداشینی آتماز

دونیا چوغولو اولسادا ، هر قاینانا بالدیز

آرواد دا اگر ذات اولا ، سیرداشینی آتماز

نامرد آدامین سوفره سینه ، مرد یاراشماز

هئشترخان اولا سوفره ده ، بوزباشینی آتماز

یوسف كیمی نامحرم اگر قارشینا چیخسا ؛

عیصمت لی قادین ، بللی دی گوز قاشینی آتماز

«توركون دیلی تك سئوگیلی ایستكلی دیل اولماز»

غیرتلی اولان تورك ده ، دیلداشینی آتماز

" انباز"ا دا یولداشلاری جانیندن عزیز دیر

جان قوربان ائدر یولداشا ، یولداشینی آتماز

♥ــــــــــــــــــــــ♥ ღღ نازلی نیگار *سئوینج و کدر* مئدیا سی ღღ ♥ـــــــــــــــــــــــ♥