بازنشسته ای از ملکان

دونیانین ایشینه گولمه ییم گلیر،،

کیمه ساغ دئییرم سول نیشان وئریر،،

محبت یئرینه اینسان اینسانا،،

زوروندان دانیشیب قول نیشان وئریر،،

نادانلار چوخ گورور زری زرچیه،،

صراف ماتاحینی ساتیر چرچیه،،

زمانه تاپشیریب گولو سئرچیه،،

ساغساغان بولبول کول نیشان وئریر،،

یاخشینین گوز یاشی سئل کیمی آخیر،،

آینالی کونوللر باغلاییب پاخیر،،

آنلاماز دانیشیر آنلایان باخیر،،

نابلد بلده یول نیشان وئریر،،

یاتیبدی کئچمیشده سایاخ اولانلار،،

داغ تک بیربیرینه دایاخ اولانلار،،

ایندی بئش آلچاغنان آیاخ اولانلار،،

طایفادان دانیشیر ائل نیشان وئریر،،

اورک گولسون بو دونیانین نه یینه،،

تولکولر دونوبدو مئه شه بعیینه،،

قاریشقا اوغلونون گولدورمه یینه،،

کرگدن گورسدیر فیل نیشان وئریر،،

«اومود»زوردان دانیش عدالت ندی،،

وار دولت یانیندا صداقت ندی،،

هرکیمه دئییرسن محبت ندی،،

چیخاردیب جیبیندن پول نیشان وئریر

شاعر: «اومودقاراداغلی»

@bayatilar