آتالارسوزی -عائله
عائله خوشبختلیگین آچاریدیر .
عائله سینین قدرینی بیلمه ین 
ائل-اوبانین قدرینی بیلمه ز .
کیشی وزیر اولماقلا آدام اولماز .
کیشی وفالی اولمالیدیر .
کیشی قیز ی اولما ،
کیشی آروادی اول !
کیشی سئلدیر ،آرواد گؤل !
کیشی اؤز سؤزونون آغاسی اولار .
کیشی اؤز تایی ایله گزه ر .
کیشی سئودیگی نین نازینی چکر .
کیشی سؤزو اوزه دئیه ر .
کیشی توپوردوگونو یالاماز .
کیشی فعله دیر،آرواد -بنا !
کیشی حدینی بیلمه لیدیر .
کیشی ده صبر اولمالیدیر .
کیشی نی جوان ساخلار ،
یاخشی آرواد ،یاخشی آت .
کیشی نین آلنی آچیق گرک !
کیشی نین مالی گؤز قاباغیندا .
کیشی نین سؤزو ایله ایشی بیر اولار .
کیشی سی اولمایان ائوین روزوسو اولماز .
ارآغاجی -گول آغاجی ،
وار تقصیریم -وور آغاجی !
ار-آرواد ایپکدیر ،
آرایا گیرن -کؤپک !
ار-آروادین ساواشی،
یاز گونونون یاغیشی !
ار آروادین تاجیدیر.
ار آخار چایدیر ، آرواد -ایسه بند !
ار کیشی نین ار اوغلو اولار . 
ار قوجالار ،کؤنول قوجالماز.
ار ائلدندیر ، اوغول بئلدن ،
آرالیق دا قارداش تاپیلماز.
ار اول ، چؤره گینی داشدان چیخارت !
ار چؤره گی ار بوغازیندا قالماز .
اره گئدن قیز لارین 
دیلی آلتیندا قند گرک .
قاین آنالی گلینین 
دیلی آلتیندا فند گرک 
اره گئتمک آساندیر 
اردونو تیکمک چتین !
ارایله آروادین تورپاغی 
بیر یئردن گؤتورولوب 
ارینه گؤره باغلا باشینی،
قازانینا گؤره قاینات آشینی !
ارسیز آرواد ، جیلووسوز -آت!
آرواد آلمامیش اولاد آرزو سو ائله مه !
آرواد وار ائو تیکر ،
آرواد وار ائو ییخار .
آرواد ییخان ائوی ،فلک ده ییخا بیلمه ز .
آرواد کیشی نین قولتوق ساعاتیدیر .
آرواد اوزلو کیشیدن ،
کیشی اوزلو آرواد دان الحذر !
آروادی پیس اولانین ساققالی تئز آغارار .
آروادین آخیر حیله سی آغلاماقدیر .
آروادین بیری -اعلاء،ایکیسی -بلا !
آروادین عصمتی - کیشی نین عزتی !
آرواد سیز ائو -سوسوز ده گیرمان !
دئسه لر کی ،گؤیده توی وار 
آروادلار نردیوان آختارارلار .
ایکینجی آرواد یاماقدیر .
ایشین دوشدو آروادا ،
اؤلن گونونو سال یادا .
آنا قیزینا تخت وئره ر ،
آنا قیزینا بخت !
آنا سینا باخ قیزینی آل ،
قیراغینا باخ یئزینی .
آنانین ارکؤیون اوغلو حمال اولار .
آناسی چیخان آغاجلاری قیزی بوداق -بوداق گزه ر !
آناسینا باخ ،دانا سینی آل !
اناسیندا ن قاباق دوشن قوزونو قورد یئیه ر !
آنا بالا اوجوندان جانینی اودا ییخار !
انا ائوین دیرگیدیر .
آنا قلبی کؤورک اولار .
آنا صبری بؤیوکدور .
آنا اؤره گی -داغ چیچگی !
آنادان اولمایان قارداش ساییلماز 
آنالار بیزی بوگون اوچون دوغوب .
آنالی قوزو-خینالی قوزو .
آنام -باجیم کیمدیر؟
-یاخشی قونشوم !
آنادان امدیگیم سود بورنومدان تؤکولدو .
آنانین آشی -تندیرین باشی !
یانان دا آنا ،یامان دا آنا !
آتا ائوی-میدان ائوی ،
ار ائوی -زیندان ائوی !
آتا مالیندان مال اولماز ،
اؤزون قازانماق گرک !
آتا اولارسان ،آتا قدرینی بیلرسن !
آتا اولماق آساندیر
آتالیق ائیله مک چتین !
آتا اولماق قوجالیق علامتی دئییل !
آتا حقی اولاد ا میراثدیر .
آتادان قالان مال شمعه بنزه ر ،
اریییب قورتارار .
آتام ،آتام من بوایشه ماتام !
آتام ایله آتانی دئیینجه ،
اؤزوم ایله اؤزونو دئ!
آتالار نه اکیبلر ،
اغوللار اونو بیچیبلر .
یاخشی آتادان پیس اوغول ؟!
خئیرلی آتانین خئیرلی اوغلو !
آتام چوخ بیلمیش ایدی - کونده لری سایاردی ،
آتام چخ بیلمیشیدی - کونده لردن کسردی !
آتا-آنا سؤزونه باخان «نئییله ییم؟»دئمه ز .
آتا-آنا سؤزونه باخمایان گولخانادا یاتار !
آتا -آنانین قوجا واختیندا ،
اوغول الیندن توتار !
آتامی -آنامی ایتیردیم ،
اؤزومو سنه یئتیردیم !
آتاائوینده -اؤگئی آنا ،
ار ائوینده -قاین آنا !
قیزین عصمتی -آتانین دؤلتی !
آتاسینا اوغولدور ،آناسینا قول !
آتا یوماقلانار ،
اوغول بوداقلانار .
آتا گؤزدور ،
اوغول گؤزون ایشیغی !
آتا-اوغول ساواشدی ، ابله لر ایناندی.
آتانا حؤرمت ائله ،
اوغلوندا سنه حؤرمت ائدر .
آتاسی اؤلن یئتیم اولماز ،
سئودا سیزلار یئتیمدیر.
آتاسینا خئیری ده یمه یه نین کیمه خئیری ده یر؟!
اوغول ائله اوغولدور .
اوغول آرخادیر ،قیز یاراشیقدیر 
اوغول بد اولاد اولسا ؛
اؤلدوره ر دردآتانی !
فرسیز اوغولدان بیر قارا -داش یاخشیدیر .
اوغلان یئتیر ، قیز یئتیر ،
یوکو یئنه سن گتیر !
اوغلان گلدین ، قیز گلدین ؟
اوغلانا بالاجالیقداقیز وئره ن چوخ اولار .
اوغلاندیر-اوخدور ، هر ائوده یوخدور .
اوغلانی کمال ایله ، قیزی جمال ایله .
اوغلان آناسی -تَمل بیناسی .
اوغلوم اوغول اولسون ،اونا تاپیلمایان قیز اولسون !
قیز آغاجی ، قوز آغاجی ،
سیندیرارسان -یوخ علاجی !
قیزآلان گؤزوایله باخماسین ،
قولاغی ایله ائشتسین !
قیز قاپیسی ، شاه قاپیسی ،
مینی گلر ، بیری راضی گئده ر !
قیز -قیزیل آلما ،
قیزی گؤزدن سالما .
قیز قیزیلدیر ،قدرینی بیلسین گرک !
قیزدیر -قیزیل پارچاسی ،
تورپاغا دوشر پاریلدار !
قیز دئدیگین آغاجداکی آلمادیر ،
کیم سالار ، اودا آپارار !
قیز ائولرده تانینار ، ایپک -دزگاهدا .
قیز یوکو -دوز یوکو !
قیز کسیلمه میش قاپیزا بنزه ر .
قیزکؤچه ری قوشدور .
قیز اؤزگه امانتیدیر !
قیزاؤزگه چیراغینی یاندیرار !
قیز اوز قیزاردار !
قیز اوره گی -چیچک لچگی!
قیزی اوتاقلییا یوخ ،
پاپاقلییا وئر !
قیزی اؤز خوشونا قویسان ،
یا مطریبه گئدر ،یا زورناچییا !
قیز آنادان قورخماسا اؤیود آلماز !
قیز آنادان اولاندا ،گؤزونو آچار دئیه ر ،
-بورا بیزیم ائو دئییل!
قیز آناسی ائاچی گؤزلر .
قیز ائوینده تویدور ،
اوغلان ائوی نین خبری یوخدور !
قیزدیر قیزیلدیر ،اوغلان نه چوخدور .
قیزی آناسی اؤیره ده ر.
قیزی وئرمیسن ،اؤزووه اوغول قازانمیسان !
قیزسیز آنا -دوزسوزآنا !
بوگونکو قیز ، صاباح آنادیر!
یئددی فَرسیز اوغولدان ،
بیر فَرلی قیز یاخشیدیر .
اوغلان آدامی -سیندیرار بادامی ،
قیز آدامی -سیندیرار آدامی .
آنالی قیزین ایشی گؤرونه ر ،
آناسیز قیزین -دیشی !
قیزی ساخلاییب اون چووالینا 
تای ائله مه یه جکسن کی ؟!
قیزلیغی نه ایدی کی ،گلینلیگی نه اولا!
بوش ائوه قیز وئرمه زلر .
قارا قیزین دردی وار!
ناخیرچی قیزی ناخیرچی چؤره گی آرزولار .
ناخیرچی قیزینی وئردی -
توربا داغار جیغی دا اوسته لیک .
اود قالار کؤز اولار ،
قیزقالار سؤز اولار .
خسته لیک اوز قیزارتما ز،
قیزاردار قیزآدامی.
قونشو قیزی گؤیچک اولار .
دلی قیز بیر نقش بیلر ،
اؤپر اونو توخویار ،
چئویره ر اونو ، توخویار .
دلی قیز دایی سیندان یاشینار !
ده یرلی مونجوق یئرده قالماز ،
ده یرلی قیز ائوده .
اره گئدنده بؤیوک قیز،
ائوده اوتوراندا کیچیک قیز.
یاز قیشیندان بللی ،
قیز قارداشیندان !
یاخشی قیزدان یاخشی دا گلین اولار .
کئچل قیزین نه یی وار؟
-دمیردن بیر داراغی.
گزگن قیزدان گلین اولماز .
مدرسه نین قیز لاری 
چوپور-چوپور اوزلری ،
نه ملا وار ، نه کیشی 
کبین کسراؤزلری !
قارداشیق -جیبیمیز آیری .
قارداشلیق زر دئمکدیر،
خریداری گرکدیر .
دیغ-دیغ قارداشی قارداشدان آییرار .
ایلان یئددی قارداش اولار.
انسانا قارداش کیمی یار اولماز .
یاخشی گونده یاد یاخشی ،
یامان گونده وای قارداش !
یولدا یولداش ،ائوده قارداش !
یولدان ایرلی -یولداش،
ائودن ایرلی -قارداش !
جان وئریرسن قارداشا وئر ،
مین ایل کئچسه یاد اولماز!
باجی باجی دئییل ، قیز قارداشدیر .
باجی کی ائودن چیخدی،اختیاری سندن چیخدی!
باجی -اوغلودور حق آلماز ،
داییدیر ، قوزونون دیشیسینی وئره ر .
باجی اوغلونو دایی سی تانیدار ،
باجی قیزینی -خالاسی .
آجیدیر -اوجودور ،
دردیمی چکن باجیدیر .
کاسیب باجینی وارلی قارداش ایسته مه ز .