گوزل آنام
گوزومون نورو، گوزل آنا

بویوتدون سن منی یانا یانا

گوزومون نورو، جانیم آنا

بویوتدون سن منی یانا یانا

ائودلوسان گون کیمی، بیر قاینار حایات کیمی

بورجلویام من سنه، سنه بیر اولاد کیمی

عزیز آنام

نه کی آرزو کامیم وار

قلبیمه توتموش قرار

آند اولسون سنه جان آنا

قدرینی ال بیلیر

عطرینی گول بیلیر

ساچینین آغینا، قاراسینا قوربانام

کونلونون او هزین

لای لاسینا قوربانام

عزیز انام

بشییم اوسته لای لای چالدین

گجلر صوبحه تک ، گادامی آلدین

ایستی نفسیوی همیشه یاز بیلمیشم

اولوب کی من سنین قدرینی آز بیلمیشم

عزیز آنام

نیتین خوشدور

صافدیر سودون

گولاغیمدا گالیب هر اویودون

اوغلونا قیزینا، آی ایعتیبارلی انا

نفسی گول کیمی

قلبی باهارلی آنا

عزیز آنام

چاره سیز خسته لرین ، دردینه درمان آنادی

دفتر عشق و وفا ، مشقینه پایان آنادی

سینه سی دشت بلا ، آتش بحراندا یانیر

سارالان یاز گولی تک ، تشنه ی باران آنادی

هر بلا درده دوزر ، شرط محبتده اوزی

گر مصیبت داغ اولا ، صبریده طوفان آنادی

عشق پروانه سی تک ، شمع ائولاده گئنه

یاندیران بال و پرین ، عاشق گریان آنادی

آی دئسون اوخشاری وار ، اولدوزا چوخ بنزری وار

گونی خجلتده قویان ، دُرّ بدخشان آنادی

اوکی هر صبحه کیمی ، یاتمادی غمنن گئجه لر

سنه لای لای اوخویان ، بلبل نالان آنادی

شاهلیقین شیوه سی وار ، مَسندی مین لشگری وار

تاج و تختسیز جاهانا ، سرور و سلطان آنادی

منی حیران ائلییه ن ، دنیادا بیر مسئله دی

نییه ائولاد اوتینا ، دنیاسی تالان آنادی

آناوین قدرینی بیل ، زاهد اگر شاه اولاسان

چون امیبسن سوتینی ، چشمه ی احسان آنادی

تقدیم ائلیرم تمام آنالارا 

چاره سیز، خسته لرین، دردینه درمان آنادی 
دفتر عشق و وفا، مشقینه پایان آنادی 
سینه سی دشت بلا، آتش بحراندا یانار 
سارالان یازگولی تک، تشنه باران آنادی 
هر بلا درده دوزر، شرط محبتده اوزی 
گر مصیبت داغ اولا، صبریده طوفان آنادی 
عشق پروانه سی تک، شمع ائولاده گئنه 
یاندیران بال و پرین، عاشق گریان آنادی 
آی دئسون اوخشاری وار، اولدوزاچوخ بنزری وار 
گونی خجلتده قویان، دُرّ بدخشان آنادی 
اوکی هر صبحه کیمی، یاتمادی غمنن گئجه لر 
سنه لای لای اوخیان، بلبل نالان آنادی 
شاهلیقن شیوه سی وار، مَسندی مین لشگری وار 
تاج و تختسیز جاهانا، سرور وسالار آنادی.


تقدیم بوتون آنالارا