🌊DALGHALAR🌊
.

کؤنول بو دونیایا ائتمه اعتیبار
شیرین دیله توتوب ، گَل دئیه جک دیر
بیر گون شنلیگینی ائدیب تارومار
دوشمن لری سنه گولدورَجک دیر.


کیمی آلداتماییب وفاسیز حیات
منزیله چاتماییب چوخ قارتال قاناد
سن ائل اوچون چالیش، ائل اوچون یارات
زامان بیلمه سه ده ، ائل بیله جک دیر.


جهان جهانگیره وئرمه ییب باجی
کیمینه شیریندیر کیمینه آجی
گئدانین باشینا قویساندا تاجی
یئنه گئدالیغین بیلدیره جک دیر.


جانلی بیر تورپاقدیر دوشونسه انسان
کؤچری قوش کیمی امانت دیر جان
معناسیز شؤهرتی حؤکمویله زامان
تاریخ لوحه سیندن سیلدیره جک دیر.


داشقین دهشتلره شاهیدسن اؤزون
دئه نَلَر قالدی کی گؤرمه یَن گؤزون
چالیش ائل دیلیندن دوشمه سین سؤزون
بو دونیا سنیده اؤلدوره جک دیر.


@dalqhalar