بازنشسته ای از ملکان

درد دل حضرت رقیه (س)با سر بریده امام حسین (ع )

 
ای مصفا ائلییَن سینه سوزانی بابا
سرفراز ایله میسَن من کیمی گریانی بابا
کیم گوروب کولده یاتا، سن کیمی سلطانی بابا
اولارام لبلَریوین بو گئجه قربانی بابا
خوش گلیبسن بو گوزل محفل جانانه بابا
اِیلَرم جانیمی قربان بِئله مهمانه بابا
 
هاردا قالمیشدین عزیزیم سنه قربان یارالی
ای اولان سوره یاسینیله رحمن یارالی
ای قالان نعشی غریب ئولکه ده عریان یارالی
ای چِکَن باطله بیر رشته بُطلان یارالی
ما خَلق اهلی فدا بو لب عطشانه بابا
سن قرائت اِئلیین نیزده قرانی بابا

بیر گِئجه نیزده گوردوم  سنی قان دور دوداقون
بیر گِئجه تشت ده گوردوم کی مکان دور دوداقون
بیر گِئجه کولرون اوستونده نهان دور دوداقون
ایندی دامان رقیه نده عیاندور دوداقون
قوی دوداقیندن اوپوم جان چاتا َ پایانه  بابا
وار نیازیم بی بی مین جانی بو احسانه بابا

بابا سینمده سوزوم چوخدو گوزل گوزلریوه
نه گلیب جانیوه قربان ، بابا پس پیکریوه
باخمادی کوفه نین اهلی  دیَیسَن سوزلریوه
اوخو قران اولا ، تسکین یارالی حنجریوه
دوندو ویرانه بو گون جنت رضوانه بابا
بیر جانیم واردی فدا چهره تابانه بابا

کربلادن چخانی چوخلو محن گلدی گئنه
بالاجا دامنیمه گَل دییرم ایندی سنه
ایله کی زجرین اَلی چاتدی او چولده رَسنه
آغلادی خار مغیلان آیاقم آتدا منه
خیمه لر یانجاقی قاشدی هه یه بیر یانه بابا
منده قاشدیم او زمان غملی بیابانه بابا

اولماسایدی بی بیم اولمیشدیم او غارتده بابا
سارالیب گول کیمی سولمشدیم اسارتده  بابا
خیزران گورجگی اَسدیم او عمارتده بابا
کیم گوروب زجری کیمی شخصی شرارتده بابا
گلدین آغوشیمه سوگند  بو پاک  قانه بابا
قیمت عالم وئره بیلمَز بئله دامانه بابا

بیرنفس قالدی بابا قوی دییم آخر سوزومی
اولدوریدوم سَنه داش دیدی او یولدا اوزومی
خیزران دیدی لبندن نئجه یومدوم گوزومی
آخرین لحظه ده قویٌام اوزوه من اوزومی
عرصه نی تنگ اِلیریب گوشه ویرانه  بابا
اولمیشام عشقیوه بیر شوقلی پروانه بابا

سَن وداع ایله دین اولدوم قوجاقندا بابا جان
چوخلو سولدوم او زامان گول سایاقندا بابا جان
یانمشام چوخلو زماندور فراقندا بابا جان
دییَسَن تازه یاران وار دوداقندا بابا جان
داریخیر قلبیم علی اصغر عطشانه بابا
منیده ایندی آپار اندولا سبحانه بابا

شعر از شاعر اهل بیت (ع) قادر خانبابائی  -

شهرستان ملکان5/8/1396

بدون قید منبع و شاعر هرگونه کپی برداری ممنوع