یاغیش دا یاغاندا بویله دوشوندوم
گؤره سن تانرینین نییدی یئنه
اؤره ییم دولاندا منده آغلارام
اونونچون آغلاییر هی دؤنه- دؤنه

یاغ یاغیش یاغگینان یئرین اؤستونه
چیرکینلیک بویوروب بیز انسانلاری
اؤ ره ک لر دولوبدور قارا توستویه
آخی سیلمییری یاز لیسانلاری

یاغیشین سسی ده آنا لایلاسی
سسینله اویویوب کئشگه اویانام
قاییدام آناملا یاغیش یاغان چاغ
اوشاغلیق باغیندا گزم دولانام

بولودون آلتیندا گولومسیم من
ایسلانام پالتاریم جیم جیلیق اولسون
اَل اَله آناملا قاچیب گولنده
تانریدا باخاندا گؤزلری دولسون

آغلاماق کئشگه ده سئومکدن اولا
اؤره کلر اوشاق تک ساده دولانا
تانریدا یاغدیرا گوزل آنلاری
«شاهیدین» عشقیدن قلبی اویانا.

کریم احمدیان«شاهید»
 

@Azsulduz