ریزعلی هاردا قالیبسان.....
┏━━━✨🍃🌺🍃✨━━┓
ریزعلی هاردا قالیبسان.....
یئتیرر ایندی قاطار
گئنه ظولمت یاشانار
چوخلاری یاسه باتار
یاشاما زهر قاتار
ریزعلی هاردا قالیبسان........
اولمویا،سنده بو اینسانلیغا تک داردا قالیبسان
یاداکی لکه وورولموش باکیره بیر قیزا تای
دار آغاجین دان دوْلایی،
فیکره جوموب،زاردا قالیبسان
اوْلمویا سن...
سیلینبسن،پوْزولوبسان
یادا بو اینسانا اوْخشارلار اوزوندن
قوْوولوبسان،یوْرولوبسان
نه بیلیم بلکه ده سن...
ائلیمین بو قیش چاغیندا
بورونوبسن بوْرانا قاردا قالیبسان
گل پاشام هاردا قالیبسان.....
یاندیریب کؤینه گیوی،
یاسه باتانلار قاباغین،
اوْ زامانلار سن آلیبسان؟؟؟
ده کی یادلاردا قالیبسان؟!!؟
باریْ سن بیمه دن، ایندی
یئنی کؤینک قازانیبسان...
گل پاشام هاردا قالیبسان
گل پاشام هاردا قالیبسان
باریْ سن گل، ریزعلی نی
یاشادان شأن و شرف
منجه سنده،ائله اوْ چاغدا قالیبسان
عسگرعابدی(ایلقار)
┏━━━✨🍃🌺🍃✨━━┓
@ElimDilim
┗━━━✨🍃🌺🍃✨━━┛
قاطار یولا دوشنده، من اونلا دانیشیردیم
دمیر یولا یالواریب، اورکدن آلیشیردیم
دئییردیم سئوگیلیمی، مقصده سالیم یئتیر
گؤزله ییرم یولونو، اونو یئنه ده گتیر
قاطار گؤزدن ایتینجه، باخیردیم دالیسینجاق
ایسته دیم کی قاییدام، آیاق گلمیردی آنجاق
او گئجه نی ائویمه ، من داخی قاییتمادیم
سنسیز بوش اوتاغیمدا ، تکجه گلیب یاتمادیم
ایندی سنین اییی نی،یاستیغیمدان آلیرام
یاتاندا خیالینی ، قولوم اوستده سالیرام
یادیندامی گئدیردیک ، چئیین-چئیین أل أله؟
قویمادیلار یاشایاق، چئیین- چئیین أل أله.....
@AzSulduz
🔹🔸🔹🔸🔹