ظالیم فلک بیزه بیر ایش گؤروب کی
ظالیم فلک بیزه بیر ایش گؤروب کی
آنا بالاسیندان یارالی قاليب ...
اؤرکلر داش اولوب محببت سوسوب
قارداشی قارداشدان آرالی ساليب
🍃🌺🍃🌺🍃🌺🍃🌺🍃🌺🍃🌺🍃
شیرین سؤزلر داها اولوبدور آجی
پاخیللیق إیله ییر باجیا باجی
دونوب یار یارینا باخمیر قیقاجی
خیالدا اؤزگه نین فیکرینه دالیب
🍃🌺🍃🌺🍃🌺🍃🌺🍃🌺🍃🌺🍃
بیرینی چیخاردیب عرشی اعلایه
بیرینی سالیبدیر مین بیر بلایه
بیریسی دونیادان ائدیر گلایه
چوخ جانلاری اجل قافیلدان آليب
🍃🌺🍃🌺🍃🌺🍃🌺🍃🌺🍃🌺🍃
آدام وار دونیادان کام آلمیر گئدیر
آدام وار یوز یاشدا پاشالیق ائدیر
آدام وار آتانین وارینی گودور
آدام وار نفسینه اؤلانمیر غالیب
🍃🌺🍃🌺🍃🌺🍃🌺🍃🌺🍃🌺🍃
کیمینی یاشادیر جاه و جلالدا
کیمی حسرت قالیر دؤلتده مالدا
کیمی قاباق دوشور کیمیسی دالدا
کیمی غم یئمکدن ساچین غارآليب
🍃🌺🍃🌺🍃🌺🍃🌺🍃🌺🍃🌺🍃
تامام، ایشلر اولوب فیرللاق کلک
یامانلیق، قویمویوب یاخشینی بیلک
بیر اؤیون اؤینویوب بیزلره فلک
غمین هاوالارین شنلیگه چالیب
🍃🌺🍃🌺🍃🌺🍃🌺🍃🌺🍃🌺🍃
فلکین ایشیندن اولدوم «آمانسیز»
پوزولدو احوالیم قالدیم گومانسیز
یازیق داغلار قاليب چنسیز دومانسیز..
حسرت چئکه چئکه یامان قوجالیب.
🍃🌺🍃🌺🍃🌺🍃🌺🍃🌺🍃🌺🍃
ارکاداشلار کانالی..
@Arkadashlarr