بازنشسته ای از ملکان

ایلاهی!

ای   آگه  اولان       سیرر   سماواته  ایلاهی!

ای   کعبه   اولان   قبله     حاجاته   ایلاهی!

ای  عاشقی  مدهوش     ائلین  باده ی هودن

ای جیلوه    وئره ن  کوی     خراباته ایلاهی!

ای عاری اولان هر جوره توصیف و ثناده ن

محتاج   دئیل سن   بو   عیباراته   ایلاهی!

گر روز جزا   اولماسا  لوطفون بیزه  شامیل

کیمدیر   وئره  پاداش   بو  طاعاته  ایلاهی!

احسانیو ایلن    روز    جزا    ائیله   مودارا

عفو   ائیله   بیزی   سرور  ساداته   ایلاهی!

یارب سن اوزون (واعظی) حفظ ائیله بلادان*

یوخ   اوندا  دوزوم   خیل  موکافاته  ایلاهی!