شیطانین اُستادلاری
(شیطانین اُستادلاری)
هر کیم یئتیشیب دین آدینا ،بیر توکان آچدی
شیطان بولاری گؤردو، بیابانلارا قاچدی.
یوز رحمت او شیطانه ، بو انسانه باخاندا
مین بیر کلک اوینور، پولا خاطر بو جهاندا.
شیطان یئنه آللاهینه شِرک اولمادی بیر آن
مین آللاها قوللوق ائله ییر ، ایندی مسلمان!!!
هر جمعه مصلّی دَه ،دورار اوّل صف دَه
دؤنجَک ائوه ، دینین ساتاجاق هفته به هفته.
دارایی سینین مالیاتین ، پارت ایله وئرمز
دؤرت قات رئیسه باش اَیَر ، آللاهه اَییلمز !!!
اُستادِ ریا، شیطانین اُستادی بولاردی
عشقی -دینی -آللاهی بونون ،تکجَه دُلاردی.
هر بیر یئتیمه بذل ائله مز ، چونکی سبب وار
البتّه گَرَکدیر ،آناسی حاجی یا دلدار.
اسلامدا، آچیق قویموش اَلین ، ظلم و جفایه
بد بین ائله یَن میللتی بونلاردی عبایه.
شیطان کی مِنادَه حاجی نی گؤردو، اوتاندی
اوْ آدمی ردّ ائیله دی ،بو آللاهی داندی!!!
بئش قات دَیَریندن باها ،تحمیلی پرایدی
ساتدی بو یازیق میللته، گَل گؤر نه هارایدی.
یوخسول اوشاغین شاد ائله سین ، وامه گیریشدی
بئش باش مینیشیب مَرکبی قتلی ، یولا دوشدی!
بیر تاققا ، پالوس کَسدی ، چیخیب کؤرپودن اوشدو
اُوت توتدو قیفیللاندی قاپی، هاممیسی پیشدی.
هر ایل باشینا، یولدا تصادفدن اؤلنلر
آشمیش سایی جنگین شهیدین ، دردی گؤرنلر.
کافر ده ماشین تولید ائدیر -بیزده ، خدایا
اعمالیده کیم کافر و مرتددی، خدایا؟
تورانلی قیزیل تئشتیده ، قان قوسمادا دایم
بو حدده جفا ائیله مز البته بهائم*
توت کَس دیلینی ، چاشدی «حبیب» دونیانی چالخار
شیطان تانریا شِکوَه اوچون، گؤیلَره قالخار.
حبیب ساسانیان ، یاکاموز.
@ElimDilim 🌷🌷