یا حضرت ولیعصر (عج)
✍✍✍✍
یا حضرت ولیعصر (عج)
-------
گؤزوم باخور یولا بیر شهریاره منتظرم
آخور گؤزوم یاشی هر دم عذاره منتظرم
قراریمیز بودی، بیر جمعه کعبه‌دن گله‌جاق
دوباره جمعه گلور، من قراره منتظرم
اورکده دردیمه درمان ائدنمز هیچ بیر کس
گلوب طبیبیم ائده بلکه چاره منتظرم
تمام قافله‌لر گلدی کئچدی، گلمدی یار
گئنه¬ده من ولی او شانلی یاره منتظرم
ویروللا طعنه منه، قان اولوب یانان اورگیم
دوشوب وجودیمه غمدن شراره منتظرم
گؤرللـه یار گلنده، جفالی مدّعی لر
بیر عمری من نئجه صاحب وقاره منتظرم
جمالی جلوۀ جانان، جلالی جلّ جلال
بو خلقت عالمی، بیر شاهکاره منتظرم
وصیّ خاتم خاتم، بقیة¬الرّحمان
ولیّ حضرت پروردگاره منتظرم
بتول سویگولوسی، حیدرین دلیر اوغلی
وقاری مرتضوی بیر نگاره منتظرم
گؤزل آقامدی، او سالاره افتخار ائدرم
یئتیره نوکرینی اعتباره منتظرم
آقام گلنده دؤنر گلستانه بو دنیا
دوتار گول هر طرفی گول¬عذاره منتظرم
آقام گلنده منیم غملریم باشا یئتیشر
جهانی شاد ائلین غمگساره منتظرم
آقام گلنده اولار کی ویروللا دیل یاراسی
بیلر کی من نئجه بیر نامداره منتظرم
آقام گلنده دولار شور و شوقیلن یئر گوی
او قهرمان عدالت شعاره منتظرم
او قهرمان کی بو دنیایه ولوله سالاجاق
ستمگری چکه¬جاق پای داره منتظرم
او قهرمان کی اونون حکمی حکم یزداندی
حکومتینده اولان اقتداره منتظرم
او قهرمان کی سالار شعله خرمن ظلمه
رکاب عدله مینن تکسواره منتظرم
او قهرمان کی قیام ایلسه قیامت ائدر
الینده شعشعۀ ذوالفقاره منتظرم
او قهرمان کی حسینون قانین گلوب آلاجاق
بلا چؤلونده قورا سوگواره منتظرم
گؤتوره پرچم عبّاسی نهرین اوسته ویرا
سویون یولون آچا خرد و کباره منتظرم
ائده محاکمه عدلیله کوفه کفارین
آچا غضب الینی اهل ناره منتظرم
جفالی حرمله¬دن اصغر انتقامین آلا
گولومسونه او زمان شیرخواره منتظرم
_______________
___________________
https://telegram.me/M_A_L_E_K_A_N