بازنشسته ای از ملکان

دولانیب دوورانلار دونوب زامانلار

چئوریلیب یقینه بوتون گومانلار

یاخیشینین یئرینی آلیب یامانلار

چوخ چتینه دوشوب مردین ایشله ری

روزیگار یاماندیر خالقی قیسناییب

چوخ ایشلر چوخونا اولمور هئچ عاییب

یاخشیلیغلار اولوب نظردن غاییب

چوخ چتینه دوشوب مردین ایشله ری

پولدار آداملینین سوزون آلیللار

آدین اوجالدیللار سوزون سالیللار

پولسوز آدامسیزلار یئرده قالیللار

چوخ چتینه دوشوب مردین ایشله ری

موفده بیر ایش گورمور کیمسه کیمسه ییه

دالدادا چوخ پوللار دولور کیسه ییه

ساتان یوخدور داها نقدی نیسه ییه

چوخ چتینه دوشوب مردین ایشله ری

(اومود)ام یارببیم چوخ درده سالما

اولونجه ایشیمی نامرده سالما

اوزونله آراما هئچ پرده سالما

چوخ چتینه دوشوب مردین ایشله ری

(اومود زنگانلی)
@umudzanganli