ملكانين واردير باغي باغچاسي
ملكانين واردير باغي باغچاسي
باغچالاردا هئيوا هولو آلچاسي
آل ياناقلي شيرين شيرين آلماسي
بوستانلاردا قان قيرمزي قارپيزي
آخلاريندا واردير ائي لي يارپيزي
واردير گئنيش داغي داشي دره سي
اوخور كهليك داغدا سونرا فره سي
ياز اولاندا چيخار ائلي تره سي
اوتلو سولو چاي چمني گزمه لي
چايلاريندا سونالاري سوزمه لي
دورد بير ياني چمنليك دير بولاغدي
دسته دسته سئيره چيخان قوناغدي
داغلار بوتون جئيران گزن اوولاغدي
شيكارچيلار گئدر قيشدا اوولاغا
گولله سسي دئيه ردي هي قولاغا
باغلاريندا چئشيت – چئشيت اوزومو
چوزه چالير سالخيملارين دوزومو
حئيران ائديب گول چيچكلر گوزومو
بولبول اوخور چوبانلارين ني ايله
قويون اوتلار داغدان گلن هي ايله
وار بازاردا كيشميش موويز بادامي
مات ايله ير گيرداكاني آدامي
يوزباشكندي وئرر بوتن سوغاني
صادر اولار خارج لره كیشميشي
جيبلر دولو بادام ايچي يئميشي
اينسانلاري مشغول اولار ايشينه
اكينچي لر چوخ گووه نر هئشينه
حلال يئمك هامي چكر ديشينه
حلال حرام آرواد كيشي يوخلارلار
قوهوم قارداش حورمتيني ساخلارلار
صفالي دير شهريارين بولواري
اولكه لرده حورمتي وار ويقاري
مشاهيرلر اونلا قويوب قراري
آرام آرام باش توپراغا قويوبلار
بير بيرله همدم اولوب اويوبلار
شعری زیبا در باره ملکان از شاعر خوش بیان و شیرین سخن ملکانی " آقای گلاب ایمانیان "