بازنشسته ای از ملکان

عالمی احیاء ائدن نعمتدی مبعث بایرامی

بو توکنمز فیضدی ، رحمتدی مبعث بایرامی

ایسته سن روحانی عالم مبعث عشقیلن یاشا

جنّت آختارسون اگر جنتدی مبعث بایرامی

نفسی مغلوب ائیلیین انّا فتحنا دیر بو گون

عقلی سلطان ائیلیین عزتدی مبعث بایرامی

انسانا قدر و کرامت بخش ائدن گوهردی قلب

قلبی قیمتلندیرن دولتدی مبعث بایرامی

آدم اولادی تاپیپ شخصیّتین مبعث گونی

امتِ اسلامه حیثیّتدی مبعث بایرامی

ائیلیین یر مُلکونو گوی عالمیندن فیضیاب

نور وحدت رونق کثرتدی مبعث بایرامی

سورما مندن مبعثین قدر و مقامین ای حکیم

سیّدی حیران ائدن حکمتّدی مبعث بایرامی