سولار(پاييز)
🍂🍂🍂🍂🍂🍁🍁🍁🍁🍁
🍁 سولار(پاييز)
اووولدايير، کولكـ سسى، بوغازلانير دئیهسن!
سازاقلانیر دونور هاوا ،آیازلانیر دئیهسن
آغاج ساچین دارایارکن تؤکور خزلليیينى...!
پاییزلانیر....و آغاجلار ، دا نازلانیر دئیهسن
قوجاقلاييبدى ايچيمدە، یانیق دیلکلریمی...
و منده بیر داها پاییز ،آلازلانیر دئیهسن
سولوب سارالمادا یاپراق،خزان تامارزیليغيم
قوراقلانیر منه دونیا،ناسازلانير دئيهسن!
بؤلوک-بؤلوک بؤلوب آنجاق،بو 'حسرتى' بو پاييز
بو سون باهار يئنى ايل دير،كى يازلانير دئیهسن
خيسيم-خيسيم خيسيلدايير بولاقلارين بوغازى
سوزور گؤزوم! و گؤز یاشیم آرازلانیر دئیهسن
بهزادبيات فرد
#حسرت_زنگانلى
🍁 @hasratzanganlii
🍁 @azsulduz
🍂🍂🍂🍂🍂
+ نوشته شده در جمعه ۱۳۹۶/۰۷/۱۴ ساعت 22:35 توسط ناصر میم ملکی
|